Kona-ba Ha’u

Deira

Deira

Hau nia naran Deddy (Deira) Irawan,

Esperiénsia liu tinan 15 iha área Teknolojia Informasaun, Komunikasaun (ICT), no Administrasaun

“Rede ne’ebé di’ak la’ós de’it kona-ba kabu no konfigurasaun — ida ne’e kona-ba ligasaun ema ho posibilidade.” husi Deira

Ha’u nia viajen iha mundu ICT

Esperiénsia profisionál liu tinan 15 iha infraestrutura rede, servidor, suporta utilizadór no administrasaun.

Hau nia viajen servisu hahu husi ambiente NGO durante tinan 10 iha área administrasaun no Ofisial IT. Depois, hau hakat ba papel Konsultor IT durante tinan 1 iha NGO, no ohin loron hau servisu iha instituisaun públiku hanesan sistema no rede administrador durante tinan 5

Husi esperiénsia ne’e, ha’u realiza katak servisu TIC la’ós de’it kona-ba asuntu tékniku (instalasaun no konfigurasaun), ida-ne’e kona-ba:

  1. Hari sistema infrastrutura ho efetivu no efisiente.
  2. Fornese apoiu servisu ba ekipa, atu nune’e ekipa bele servisu ho di’ak.
  3. Proteje dadus dijital no garante seguru.
  4. Dezenvolve polítika ICT instituisaun nian.
  5. Harii no mantein relasaun di’ak ho ekipa servisu sira.

Atu koñese liu tan ha’u-nia dezempeñu profisionál, vizita ha’u-nia LinkedIn, no akompaña ha’u-nia atividade desportu nian iha Strava.

Area ne’ebe hau interesa

Ha’u iha interese bo’ot iha Cloud Computing, liuliu iha Private Cloud / On-Premise Cloud, ne’ebé foka ba seguransa, efisiénsia no kontrolu ba infraestrutura dijitál.

Tamba sa hau kria Blog ida ne ?

Ha’u kria Deira Insight hanesan plataforma independente ida hodi fahe esperiénsia no koñesimentu ICT nian, ne’ebé ha’u aprende husi serbisu no prátika loro-loron nian. Konteúdu sira-ne’e organiza ho lalaok simples ba ema hotu ne’ebé hakarak aprende no aplika ICT. Ha’u fiar katak koñesimentu teknolojia tenke nakloke ba ema hotu, la’ós de’it ba espesialista sira.

Mai ita Esplora Konteúdu foun sira ne’ebé ha’u fahe iha blog ne’e